شبكة الحلم : إمام عاشور يتحدث عن احتفال البلونة وعلاقته بـ شيكابالا وانتقال زيزو للأهلي

تحدث إمام عاشور لاعب خط وسط النادي الأهلي، عن علاقته ببعض زملائه الحاليين والسابقين بالفريق الأحمر، وذلك خلال حواره الحصري لقناة “أون سبورت”.

وقال إمام عاشور: “بالتأكيد تأثرت برحيل كهربا عن الأهلي، هو أخى الكبير”.

وأكمل: “في الوقت الحالي أنا اللي بنصح كهربا، وبقوله دايما نفسي أشوفك عريس”.

وأردف: “كهربا كان بيقولي احنا الاتنين لينا الجنة عشان عدينا من مواقف صعبة كتير كانت تبطل ي لاعيب الكورة”.

وتطرق إمام للحديث عن صفقات الأهلي الجديدة، حيث بدأ بمحمود حسن ترزيجيه، قائلا: “تريزيجيه أخويا ومن الشخصيات اللي بحبها وكنت بقوله بتفرج عليك في التلفزيون، وقالي أة كنت بتشرب سحب وبتتفرج عليا قولتله أة والله دي حقيقة”.

وعن أحمد مصطفى زيزو، قال: “زيزو أخويا ومع بعض على طول، الناس بتاخد الأمور بشكل تاني خالص وميعرفوش العلاقة بينا عاملة إزاي، وللعلم حتى وقتنا هذا دونجا أخويا وعلى طول بنكلم بعض”.

وعن توقعه انتقال زيزو للأهلي، قال: “هي دي الكورة وهي دي سنة الحياة”.

وحول علاقته بمحمود عبدالرازق شيكابالا، قائد الزمالك، قال: “مفيش أي حاجة بيني وبين شيكابالا ولا حلوة ولا وحشة احنا صحاب عادي، وهو قلبه أبيض”.

وكشف إمام عاشور عن أن محمد الشناوي، حارس الأهلي، هو أكثر من يوجه له النصائح في الأهلي، قائلا: “الشناوي أكتر حد بينصحني، بعذبه أة بس بسمع كلامه أوي، وهو قائد بمعنى الكلمة، ولما بيقولي على حاجة عارف إنه بيقولي على الطريق الصح ودايما برجعله في كل حاجة”.

وعن احتفاله بأحد أهداف باستخدام بالونة، قال: “احتفال البلونة احتفال عادي ومندمتش عليه وممكن أعمله مرة واتنين”.

أخبار متعلقة

محمد السيد: لم أتمرد يومًا على الزمالك..ولقب الكأس كان مهمًا

داري: نرغب في الفوز بجميع الألقاب

إيطاليا تفوز على مولدوفا في تصفيات كأس العالم

عطية الله: كل اللاعبين لديهم العزيمة في كأس العالم وقادرون على إسعاد الجمهور